AZ

Kənddəki internet bir köhnə televizor səbəbindən kəsilibmiş

119990269_2834065636828501_5696633806361640276_n
23.09.2020 11:26

Birləşmiş Krallığın Galler Muxtar bölgəsində hər səhər saat 07:00-da yaşanan internetin kəsilməsinin köhnə bir televiziya səbəbindən baş verdiyi müəyyən olunub.

 

TED.az xəbər verir ki, televiziyaya sahib olan Aberhosan kəndindəki adı açıqlanmayan şəxs köhnə televizorunun bütün kəndin internetini kəsə biləcəyindən xəbərsiz olduğunu söyləyib.

 

Birləşmiş Krallığın genişzolaqlı internet infrastrukturunu idarə edən Openreach-ın mühəndisləri 18 aydır problemin mənbəyini tapmağa çalışırdılar.

 

Kabel infrastrukturunun dəyişdirilməsi də bu problemi həll etməmişdi.

 

Problemə səbəb olduğu üçün kədərləndiyini bildirən kənd sakini bir daha televizorundan istifadə etməyəcəyinə söz verib.

 

Openreach rəsmiləri sözügedən televiziyanı aşkar etmək üçün xüsusi bir cihaz istifadə ediblər.

 

Hər səhər saat 07:00-da köhnə televizoru işə saldığını deyən televizor sahibi, problemin öz ailəsindən qaynaqlandığını öyrənəndə "dəhşətə gəlib".

 

Televizorun yüksək səviyyəli impuls tezliyi (SHINE) yaydığı məlum olub. Sözügedən siqnal digər elektron cihazların işinə də mane ola bilir.

 

İnternet probleminə başqa nə səbəb ola bilər?

 

Openreach Wales baş mühəndisi Suzanne Rutherford küçə işıqlandırmasından mikrodalğalı sobalara qədər bir çox elektrik cihazının internet əlaqələrində problem yaratdığını söyləyib.

 

"Xalqa sertifikatlı və mövcud standartlara cavab verən elektron avadanlıqdan istifadə etməyi məsləhət görürük", - deyə o bildirib.

Texnologiya bölməsindən digər xəbərlər

Daha çox