Son iki ildə Samsung çevik ekranlı cihazların istehsalı ilə məşhur olsa da, artıq şirkətin ciddi rəqibi yarana bilər.

TED.az xəbər verir ki, BOE adlı Koreya istehsalçısı Samsung-la ciddi rəqabət şəraitində fəaliyyət göstərəcək.

Məlumata görə, smartfon ekranları istehsal edən BOE şirkəti 2024-cü ilə qədər OLED çevik ekran bazarının təxminən 40%-ni tutmaq niyyətindədir. 

Brend təmsilçilərinin sözlərinə əsasən, hazırda bazarın 20.3%-i BOE-yə məxsusdur. Bu seqmentin ümumi bazar dəyəri isə 49.7 milyard ABŞ dollardır.

Qeyd edək ki, mütəxəssislər çevik ekran bazarında yaranacaq rəqabət mühitinin kifayət qədər maraqlı hadisələrlə yadda qalacağını düşünürlər.