Yəqin ki, Kiçik biznes və startap anlayışlarının eyniləşdirilməsi və ya bunun əksini, yəni “Kiçik biznes Startap deyil” fikirlərinə rast gəlmisiniz. Bəs əslində necədir?

Startaplar bütün inkişaf etmiş ölkələrdə iqtisadi böyüməyə güclü təkan verir. Uğurlu startapların köməyi ilə əksər ölkələr iqtisadi inkişafda nəhəng sıçrayışlara nail olur. Kiçik biznes və startaplar ölkə iqtisadiyyatının, sənayesinin və yeni texnologiyalarının sürətli böyüməsində, lider mövqe tutmalarında mühüm rol oynayır. Məsələn, İsrail, Çin, İsveç və s. dövlətlər buna nümunə göstərmək olar. 

Startap kiçik biznesdən nə ilə fərqlənir?

Bununla bağlı TED.az-a danışan İnnovasiyalar Agentliyinin Startaplara dəstək və akselerasiya şöbəsinin müdiri Murad Rəhimov bildirib ki, startap biznes növü deyil, bir prosesdir: “Bu proses adətən aşağıdakı böyümə-zaman sxemi üzrə ifadə edilir. 

Lakin standart biznesdən fərqləndirilməsi üçün texnoloji və innovativ həll ortalığa qoymalıdır. Bu həll ondan ibarətdir ki, ən son tətbiq edilən texnologiyalarla təchiz olunmuş və bütün hərəkət fəaliyyətləri ölçülə bilən, sürətli böyümə potensialına malik bir biznes növü kimi də ifadə edə bilər. Bu ifadələrlə sadə sahibkarlıq subyektindən startapı fərqləndirə bilərik”.

Zeynəb ƏKBƏR