"Pshiphon adlı VPN proqramından istifadə edənlər.Təcili proqramı telefonunuzdan silin və telefonunuzda təhlükəsizlik üçün antivirus və digər köməkçi proqramları işə salın".

TED.az xəbər verir ki, bu haqda İT üzrə mütəxəssis Rəşad İbrahimov Feysbuk səhifəsindən yazıb. O bildirib ki, Psiphon adlı proqramla WhatsApp və digər proqramlara müdaxilə edərək adınızdan şablon hazırlanmış mesajları kontaktınızda olan şəxslərə göndərir: "Az öncə eyni proqramı işlədən bir nəfərdən mənə WhatsAppa mesaj daxil oldu, halbuki mesajda qeyd olunan idarənin adı və mesajda olan yarı Azərbaycan, yarı türk, yarı ingilis dilində olan mətni qarşı tərəf yazmamışdı və özü də bundan xəbərsizdir".