"Orduda smartfon tipli telefonlar yığışdırılmalıdır. Mən bunu illərdir demişəm və yenə bu fikirdə qalıram. Bu video çəkilişlərə görə deyil, digər təhlükəli məqamlar (koordinatların asan təyin edilə bilməsi, məsafədən müdaxilə edilərək, həmin telefon üzərindən danışıqların dinlənilə bilməsi və s.) üçün vacibdir".

TED.az xəbər verir ki, bunu hərbi ekspert, jurnalist Rəşad Süleymanov deyib.

"Videolar canlı yayımlanmır ki, yeri düşmən dərhal müəyyən etsin. Bəzən saatlar, bəzən günlər sonra yayımlanır. 

Önəmlisi döyüşən heyəti və vətəndaşları maarifləndirmək və bu yayımların zərərini başa salmaqdır. Tək döyüş zonası deyil, Bakıda, Kürdəmirdə, Gəncədə və digər şəhər və rayonlarda çəkilən görüntülər var ki, düşmənə döyüşdəkindən çox kəşfiyyat məlumatları təmin edir",- deyə o vurğulayıb.