AZ

Onlayn World Football Summit-ə 70 avroluq bileti PULSUZ QAZAN!

hg
21.11.2020 19:50

"Ötən il Madriddə 700 avro ödəyərək iştirak etdiyim World Football Summit (WFS) bu il onlayn keçirilir və biletin qiyməti 70 avrodur. Dünən təşkilatçı komanda ilə danışıqlarımızdan sonra Orkhanrza.com izləyiciləri üçün bileti PULSUZ təqdim etmək razılığı əldə olundu. WFS çox maraqlı tədbirdir. Təbii ki, real tədbirlə eyni effekti vermir, amma dünyanın məşhur ekspertlərinin çıxışlarını dinləmək bu sahədə olan son trendləri öyrənməyə kömək edəcək".


Bu barədə TED.az-a sosial media üzrə mütəxəssis Orxan Rzayev bildirib.


"Xatırlayırsınızsa, ötən il tədbirdən maraqlı anları paylaşırdım, həmçinin Liverpul və Atletiko Madrid klublarının CEO’ları ilə görüşüm barədə, braziliyalı Ronaldo, Luis Saha kimi futbolçuları çıxışları barədə paylaşımlar etmişdim. Startapımız üçün faydalı bilgilər və yaxşı əlaqələr yarada bilmişdik. Tədbirin builki spikerləri arasında UEFA, FIFA, Sky Sports, NIKE, Facebook, Stadia kimi nüfuzlu qurumların və şirkətlərin futbol üzrə rəhbər şəxsləri, Yuventus, PSJ, Tottenhem, Real Madrid kimi klubların, Bundesliqa, la Liqa və digər populyar turnirlərin nümayəndələri var", - deyə mütəxəssis qeyd edib.


Orxan Rzayev əlavə edib ki, tədbir 23 noyabrda başlayacaq və 5 gün davam edəcək: "Hər günün proqramını profilinizdə görəcəksiniz. Tədbirdə iştirak etmək üçün bu LİNK vasitəsilə bilet əldə edə bilərsiniz".

TED + bölməsindən digər xəbərlər

Daha çox