VKontakte bizim haqqımızda demək olar ki, hər şeyi bilir. 

"TelecomDaily" informasiya və təhlil agentliyinin mütəxəssisləri Android və iOS istifadəçiləri arasında ən populyar mobil tətbiqləri araşdıraraq, onlardan hansının istifadəçilər haqqında daha çox məlumat topladığını öyrəniblər. Tədqiqatın nəticələri əsasında reytinq cədvəli tərtib edilib. Mütəxəssislər araşdırma apararkən 30 fərqli parametri əsas götürüblər. Bu parametrlərə adlar, soyadlar, e-poçt adresləri, mobil telefon nömrələri, ailə vəziyyəti, təhsil, iş yeri və s. daxildir. 

TED.az xəbər verir ki, reytinq siyahısında Rusiyaya məxsus olan VKontakte tətbiqi istifadəçi məlumatlarının toplanmasında mübahisəsiz olaraq, 83.3%-lə lider seçilib. 

Sözügedən sosial şəbəkə smartfon sahibi haqqında əhəmiyyətli dərəcədə çox fərqli məlumatlar toplayır. Tətbiq yalnız insanın boyu, çəkisi, eləcə də telefonun seriya nömrəsi haqqında informasiya əldə edə bilmir. İkinci sırada Rusiyanın Dövlət Xidmətlərinə aid tətbiqlər (63,3%), üçüncü yerdə isə Odnoklassniki sosial şəbəkəsi qərarlaşıb. 

Qeyd edək ki, ilk iyirmilikdə "Tinkoff" və "Sberbank Online" tətbiqləri də yer alıb.

Tərtib edilmiş reytinq siyahısı təqdim edirik: