Apple yeni iPhone modeli istehsal edəcək - Qiyməti və xüsusiyyətləri
Apple şirkəti iPhone SE və iPhone SE 2020 modellərindən sonra seriyaya yeni model əlavə etməyə hazırlaşır.
TED.az xəbər verir ki, hələ Apple-dan rəsmi bir açıqlama verilməsə də, Apple-a yaxın mənbələr Tvitterdə mühüm məlumatlar paylaşıblar. Cihazın 2021-ci ilin ortalarında satışa çıxarılacağını iddia edən istifadəçilər iPhone SE 3-dən sonra belə bir modeli görə biləcəyimizi düşünürlər.
HƏMÇİNİN OXU: 2021-ci ildə satışa çıxacaq iPhone adı açıqlandı
6.1 düymlük IPS ekran panelinə sahib olacağı gözlənilən telefon Apple A14 prosessoru ilə təchiz ediləcək. Əsas kamera 12 MP, ön kamera isə FaceTime HD dəstəyi olan 7 MP keyfiyyətindədir.
Həmçinin bildirilib ki, iPhone SE Plus-un qiyməti 499 dollar olacaq.
Cihazın üç fərqli rəngdə buraxılacağı gözlənilir: qırmızı, ağ və qara. Telefonla bağlı yeni detallar isə yaxın həftələrdə məlum olacaq.