AZ

Bu il hansı Fintech trendləri gündəm olacaq? - AÇIQLAMA 

 

137316763_165606578661752_615498364644002177_n
25.01.2021 14:54

“Bu gün qlobal sferada Fintech-in üç əsas trendi var. Ənənəvi və qeyri-ənənəvi valyuta ödənişləri, şirkətlər və şəxslərarası valyuta mübadiləsi və xidmətlərin ötürülməsi, yəni e-commers, bank xidmətlərində süni zəka vasiəsilə robotlaşdırılmış personalizə edilmiş cavablar. Əlbəttə ki, bu işləri həyata keçirtmək üçün Big datanın analizi mühüm rol oynayır. Bura məlumatların toplanması, ötürülməsi, trendlərin tapılması, yəni ödənişlərin istiqaməti - nə alınır, nə satılır, daha çox hansı valyutaya ehtiyac yaranır və s. Birinci qeyd etdiyim Fintech trendi, yəni ənənəvi və qeyri-ənənəvi valyuta ödənişləridir. Ümumiyyətlə, Fintech-in bugünkü əsas gücü ödəniş sistemidir. Bu proses şirkətlər, fiziki şəxslər və xidmət göstərən kompaniyalar arasında ənənəvi pul vasitəsilərinin qeyri-ənənəvi pul dediyimiz kriptovalyutalar vasitəsilə mübadiləsidir. Buna “of rank on rank” deyirlər. Ənənəvi puldan kriptovalyutaya mübadilə aparılanda “of rank”, kriptovalyutandan ənənəvi pula mübadilə ediləndə “on rank” olur. İkinci trend olan, e-commers sahəsidir - kriptovalyuta ilə ödənişin edilməsi. Üçüncü trend isə süni zəkanın tətbiqidir. Süni zəka vasitəsilə hansısa bankın onlayn mobil xidmətindən istifadə etmək istəyəndə müştərinin sualları cavablandırılır. Hətta süni zəka müştərinin hesabı, maliyyə məlumatları haqqında da informasiya verir”.

 

Bunu TED.az-a açıqlamasında İnnovasiyalar Agentliyinin İdarə heyətinin üzvü Fariz Quliyev deyib. 

 

Fariz Quliyev qeyd edib ki, Fintech ödəniş platformalarını birləşdirir: “Fintech bu platformaları birləşdirə bilməsə, onun heç bir əhəmiyyəti qalmır. Bu sistemin ən əsas işi bütün biznes sektorlarının, bütün maliyyə resurslarının ənənəvi pul vasitəsi, eləcə də kriptovalyuta ilə işləyən bütün sənaye üçün ödəniş platformasını təşkil edir”.

 

Zeynəb ƏKBƏR

TED + bölməsindən digər xəbərlər

Daha çox