Son vaxtlar istifadəçi məlumatlarının işlənməsi tez-tez müzakirə olunur. Apple da tətbiq yaradıcıları və reklamverənlərlə bağlı dəyişikliyi tezliklə həyata keçirəcək.

TED.az xəbər verir ki, yeni xüsusiyyət Apple-ın iOS 14 beta istifadəçilərindən reklam hədəfləmə üçün icazə tələb edir. Bu xüsusiyyətin tam versiyasının isə yazda gəlməsi gözlənilir. 

Tətbiq İzləmə Şəffaflığı adlanan yenilik mobil tətbiq yaradıcılarının iPhone sahiblərindən məlumat toplaması və bu dataları reklama yardım məqsədilə şirkətlərlə paylaşması istiqamətində ciddi dəyişikliyə səbəb olacaq.

Dəyişiklikdən əvvəl Apple iPhone sahiblərinə bu cür izləməni parametrlər vasitəsilə söndürməyə icazə verirdi. İndi isə tətbiqi ləğv etmək əvəzinə, Apple istifadəçilərin App Store-dan icazə almalarını və ya qaydaları pozduqları təqdirdə nəzarətə götürülmələrini təmin edəcək. 

Bundan əlavə, reklamverənlər üçün şəxsiyyət kodu istifadəyə veriləcək. İdentifikator tətbiqlərin reklam hədəflənməsinə xidmət göstərəcək və reklamın həqiqətən işlək olub-olmadığını ölçməyə imkan verəcək.