"House Democrats on the Energy and Commerce" Komitəsi YouTube-u ekstremist məzmuna dair siyasətini qəti şəkildə açıqlamağa məcbur edib. 

TED.az xəbər verir ki, komitə sədri Google rəhbərinə göndərdiyi məktubda platformada ifrat ekstremist, radikal, təxribat xarakterli məzmunların hədsiz çox olduğunu bildirib.

Qeyd edilib ki, YouTube siyasətində birmənalı islahatlar aparılmalı və belə məzmunların aradan qaldırılması üçün səylərini gücləndirməlidir: "İstifadəçi cəlb etmək, müxtəlif nişanlar almaq və daha çox reklam qazanmaq milli təhlükəsizlik hesabına ola bilməz".

Məktubda şirkətin ekstremist məzmun siyasətinə dair bir neçə sual da var. Məsələn, 1 noyabr 2020-ci ildən bəri ekstremizmə görə nə qədər video və kanalın silindiyi soruşulur.

Bununla yanaşı, Google-a bu sualları cavablamaq üçün 17 martadək vaxt verilib.