Məlum olduğu kimi dünən Türkiyədə helikopter qəzaya uğrayıb. 11 hərbçi, o cümlədən Türkiyə Quru Qoşunlarının 8-ci korpusunun komandanı, general-polkovnik Osman Erbaş şəhid olub. 

TED.az xəbər verir ki, bu, Türkiyədə generalın helikopter qəzasında şəhid olması ilə bağlı ilk fakt deyil. Türkiyədə bundan əvvəl – 1993-cü ilin fevralında Ankaradan Diyarbəkirə gedən helikopter qəzaya uğrayıb, qəzada general-mayor Eşfer Bitlis şəhid olub. 

Eşref Bitlisin ölümü ilə bağlı müxtəlif versiyalar irəli sürülüb, helikopterin kosmosdan göndərilən siqnallarla hərəkətinə “stop” qoyulduğu və nəticədə qəzaya uğradıldığı bildirilir. Digər bir versiyaya əsasən isə Eşref Bitlisə JİTEM (Jandarma İstihbarat Terrorla Mücadilə) sui-qəsd həyata keçirib.