Asiya İnkişaf Bankının İllik Toplantısı çərçivəsində CAREC Proqramının yüksək səviyyəli sessiyasında rəqəmsal transformasiya mövzusunda müzakirələr aparılıb.

TED.az xəbər verir ki, bu barədə İqtisadiyyat naziri Mikayıl Cabbarov sosial şəbəkə hesabında yazıb: “İqtisadiyyat Nazirliyinin həmsədrlik etdiyi Asiya İnkişaf Bankının İllik Toplantısı çərçivəsində CAREC Proqramının yüksək səviyyəli sessiyasında rəqəmsal transformasiya vasitəsilə regional əməkdaşlıq istiqamətlərinin yenidən müəyyən edilməsi mövzusunda müzakirələr apardıq. Hesab edirəm ki, fəal diskussiya və məhsuldar dialoq CAREC regionunun çoxtərəfli iqtisadi əlaqələrinə töhfə verəcəkdir.”