Mayın 8-də Azərbaycan Dövlət Neft və Sənaye Universitetinin (ADNSU) Azİİ Elektron Kitab Evində ümummilli lider Heydər Əliyevin anadan olmasının 98-ci ildönümü münasibətilə “Heydər Əliyev – 98” və “Ümummilli lider Heydər Əliyev” adlı kitab sərgiləri təşkil edilib.

ADNSU-dan TED.az-a bildirilib ki, sərgidə dahi rəhbər Heydər Əliyevin Azərbaycan xalqının taleyində, müasir Azərbaycan dövlətinin qurulmasında və inkişafındakı, həmçinin ölkənin beynəlxalq mövqeyinin daha da möhkəmləndirilməsindəki əvəzsiz xidmətlərindən bəhs edən kitablar var. Həmçinin sərgidə ümummilli lider Heydər Əliyevin fəaliyyəti dövründə respublikamızın ictimai-siyası, sosial, iqtisadi, elmi və mədəni həyatındakı hadisələri əks etdirən 80 nüsxə kitab və digər nəşrlər yer alıb.

Kitab sərgiləri, həmçinin virtual şəkildə də Azİİ Elektron Kitab Evinin səhifəsində oxuculara təqdim olunub.