TED.az xəbər verir ki. elm adamları beyin skanları vasitəsilə insanların düşündükləri söz və ifadələri deşifrə edə bilən zehni oxuyan süni intellekt hazırlayıblar.

Elon Mask kimi texnoloji nəhənglərin “süni intellektin bəşəriyyətin sonu olacaq” deməsindən və ya alimlərin əksəriyyətinin süni intellektin nüvədən daha çox apokaliptik ssenarilərə səbəb ola biləcəyini söyləməsindən asılı olmayaraq, elm adamları süni intellektlə məşğul olmağa davam edirlər.

ABŞ-ın Ostin şəhərindəki Texas Universitetinin alimləri beyin skanlarının şifrəsini açaraq insanların zehnini oxuya bilən süni intellekt hazırlayıblar.

Texas Universitetinin Kompüter Elmləri və Neyrologiya Departamentindən Alexander Huth və həmkarları insanların beyin fəaliyyətinin arxasındakı məna və girişə uyğun gələn söz sətirləri ilə işləyə bilən maşın öyrənmə əsaslı süni intellekt modeli hazırlayıblar. Bir sözlə, bu süni intellekt fikirləri oxuya bilir.

Bu süni intellektlə sınaqdan keçirilmiş bir şəxsə “O gecə yataq otağımızın olduğu mərtəbəyə qalxdım və daha nə edəcəyimi bilmədən işıqları söndürüb yerə uzandım” cümləsi ilə hekayə oynanılıb.

Bir insanın beyin skanını təhlil edərək süni intellekt belə bir cümlə hazırlayıb: "Yataq otağıma qayıtdım, çarpayımın harada olduğunu bilmirdim, sadəcə yatacağımı düşündüm, amma bunun əvəzinə uzandım." Bu cümlə sınanan insanın beynindən keçən birbaşa cümlə deyil, çox yaxın bir nəticədir və zaman keçdikcə süni intellektin bu mövzuda çox yaxşılaşacağı aydındır.

Beləliklə, elm adamları əsasən beyin dekoderi hazırlayırlar. Lakin alimlər deyirlər ki, hələlik narahat olmağa dəyməz: "Əgər siz MRT aparatında yoxlanarkən podkastlara qulaq asmasaydınız, yəqin ki, biz sizin düşüncələrinizi deşifrə edə bilməyəcəkdik. Ən azından indilik."