Tibbi Ərazi Bölmələrini İdarəetmə Birliyi publik hüquqi şəxsin (TƏBİB) tabeliyində yeni şirkət təsis edilib, ora rəhbər təyin edilib.

Bu barədə TED.az-ın əldə etdiyi məlumatda qeyd edilir.

Məlumata görə, bu, “Rəqəmsal Tibbi Həllər” Məhdud Məsuliyyətli Cəmiyyətidir.

Şirkət 100 manat nizamnamə kapitalı ilə Bakı şəhəri Yasamal rayonu, Nəriman Nərimanov pr. ev.206A-da dövlət qeydiyyatına alınıb.

Şirkətə baş icraçı direktor kimi Mehdiyev Ramil Yunis oğludur. R.Mehdiyev bundan öncə İcbari Tibbi Sığorta Agentliyində baş informasiya inzibatçısı idi.

Bundan başqa o,  “PAŞA Sığorta” ASC-də çalışıb.