Türkiyə müdafiə sənayesi geniş miqyaslı 3D metal printer istehsal texnologiyasını ölkəyə gətirməyə çalışır

09.02.2024 22:20

Türkiyə müdafiə sənayesi məhdud sayda ölkənin malik olduğu geniş miqyaslı 3D metal printer istehsal texnologiyasını ölkəyə gətirmək üçün mühüm addım atmağa hazırlaşır.

TED.az xəbər verir ki, TTAF şirkətlər qrupunun GTOT texnologiya texniki rəhbəri (CTO) Cüneyt Aytaç metal qatqılarının istehsalı sahəsində fəaliyyət göstərdiklərini bildirib.

Aytaç müdafiə, avtomobil və biotibbi kimi kritik sektorlarda ehtiyac duyulan 3D metal printerləri yerli olaraq istehsal etmək üçün çalışdıqlarını qeyd edib.

Türkiyədə bu sahədəki boşluğu doldurmaq üçün yola çıxdıqlarını və təxminən 2,5 ildir bu sahədə fəaliyyət göstərdiklərini bildirən Aytaç xüsusilə xarici asılılığı azaltmaq və texnoloji embarqolara qarşı müqaviməti artırmaq üçün çalışdıqlarını bildirib.

Çap et