Aprelin 17-dən müəllimlərin iş yerinin dəyişdirilməsi müsabiqəsinin vakansiya seçimi mərhələsinə başlanılacaq.

Məktəbəqədər və Ümumi Təhsil üzrə Dövlət Agentliyindən TED.az-a bildirilib ki, müsabiqə qaydalarına əsasən, vakansiya seçimi ilk olaraq şəhid ailələrinin üzvləri üçün aktivləşdiriləcək.

İlkin vakansiya seçimi aprelin 19-u saat 11:00-dək davam edəcək.

Növbəti mərhələdə isə digər müsabiqə iştirakçıları üçün vakansiya seçimi mərhələsi həyata keçiriləcək və bu barədə ictimaiyyətə əvvəlcədən məlumat veriləcək.