2024-cü ilin mart ayında Azərbaycan mobil internetin sürətinə görə 148 ölkə arasında 50.12 MB/S sürətlə 56-cı yerdə qərarlaşıb.

TED.az bu barədə “Speedtest Global Index”in məlumatına əsasən xəbər verir ki, Azərbaycan əvvəlki ayla müqayisədə mobil internetin sürətinə görə 3 pillə irəliləyib.

Məlumatda bildirilir ki, mobil internetin sürətinə görə birinci yeri Qətər (313.30 MB/S), sonuncu yeri isə Kuba (148-ci yer, 4.01 MB/S) tutub.

Azərbaycan sabit genişzolaqlı internetin orta sürətinə görə isə martda dünyada 117-ci yerdə qərarlaşıb. Bu isə əvvəlki ayla müqayisədə 2 pillə geriləmədir.