Dünyada smart saatlar arasında “HUAWEI Watch Fit 3” funksionallığına və qiymətinə görə daha uyğun qurğu kimi fərqlənir. Bu icmal sözügedən saatın fəal həyat tərzi keçirən və öz sağlamlığına qayğı göstərənlər üçün hansı xüsusiyyətlərinə görə əvəzolunmaz ağıllı dosta çevrilməsinin səbəblərini açıqlayacaq.

Displeyin qalınlığı cəmi 9,9 millimetr təşkil edir, korpusu isə 36 millimetr x 43 millimetr ölçüsündədir. Çərçivə yüngül metaldan hazırlanıb. Smart saatın korpusunun çəkisi kəmərsiz halda cəmi 26 qram, kəmərlə birgə isə 34 qramdır.

“HUAWEI Watch Fit 3”ün dizaynı insanı ilk baxışdan heyran edir. Zərif düzbucaqlı gövdəsi və böyük ekranı ilə yüngüllük və müasir estetika təəssüratını yaradır. 1,82 düymlük yüksək ekran keyfiyyətli AMOLED displey (480 x 408 piksel) ideal görüntünü (maksimal parlaqlıq 1500 nit) təmin edir ki, bu da, hətta parlaq günəş süaları altında məlumatları rahat şəkildə oxumağınıza imkan yaradır. Ekranın yenilənmə tezliyi 60 Hz-dir, displeyin korpusa nisbəti isə 77 faiz təşkil edir.

“HUAWEI Watch Fit 3”ün əsas xüsusiyyətlərindən biri onun uzunmüddətli şəbəkədənkənar işləmə rejimidir. 400 mA/s tutumlu batareya 10 günə qədər 1 tam şarjdan işləməni təmin edir ki, bu da daim şarj haqqında düşünmək istəməyən fəal istifadəçilər üçün idealdır. Sürətli şarj dəstəyi sayəsində, USB portuna cəmi 10 dəqiqəlik qoşulma iş müddətini mühüm dərəcədə artırmaq üçün kifayətdir.

Altı fərqli çeşiddə - qara, çəhrayı, yaşıl, boz və iki fərqli ağ qayış ilə təqdim edilən “HUAWEI Watch Fit 3” çox sayda geyimlərlə uyğunlaşaraq istənilən zövq sahibini məmnun edir. Belə ki, tətbiq edilən innovativ konstruksiya kəmərləri asanlıqla dəyişməyə və geyim üslubuna uyğun istifadə etməyə imkan yaradır. Cihaz üçün üç qayış növü mövcuddur: flüorelastomer, neylon, dəri.

“HUAWEI Watch Fit 3” “Bluetooth 5.2”, “2.4 GHz Wi-Fi” diapazonunda və GPS-i, hətta bütün adi mövqe müəyyən etmə sistemlərini dəstəkləyir. Sensorlara gəldikdə bu cihaz akselerometr, ağırlıq qüvvəsi sensoru, maqnitometr, xarici işıqlandırma sensoru (ekranın parlaqlığını avtomatik tənzimləmək üçün) və ürək ritmi sensoru ilə təchiz edilib.

“HUAWEI Watch Fit 3”ü üzərkən belə istifadə etmək mümkündür. Ağıllı saat suda kifayət qədər yüksək təzyiqə davam gətirir. Həmçinin o -10-dan +45 dərəcə selsiyə qədər temperaturda istifadə edilə bilər.

Əlavə texniki xüsusiyyətləri haqqında məlumat əldə etmək və digər funksiyaların ətraflı siyahısına baxmaq üçün məhsulun rəsmi səhifəsinə daxil olmaq olar.

“HUAWEI Watch Fit 3” əla düşünülmüş bir cihazdır və hər bir lazımi xüsusiyyətə malikdir. Smart saatın bütün bu xüsusiyyətləri, onu öz sağlamlığını düşünən hər bir insan üçün əvəzolunmaz ağıllı “dost”a çevirir.