Paraşütlü TR -122 RKETİ : ROKETSAN-dan oyuncu dəyişdirici “jammer”

18.06.2024 21:20

ROKETSAN Paraşütlü TR-122 Raketi hazırlayıb. Hazırlanmış raketə siqnal pozucu və ya görüntü toplayıcı başlıqlar inteqrasiya ediləcək, xüsusi tapşırıqları yerinə yetirəcək.

Türkiyə Silahlı Qüvvələrinin uzun illərdir istifadə etdiyi TR-122 Raketi bundan sonra yalnız hədəfi məhv etmək üçün istifadə edilməyəcək. TR-122 raketinə paraşüt inteqrasiya edən ROKETSAN raketə tamamilə fərqli bir istifadə konsepsiyası qazandırıb. Siqnal Pozucu (Jammer) Başlıq və Görüntü Toplayıcı Başlıqdan istifadə edən bilən Paraşütlü TR-122 Raketi 36 kilometr radiusda xüsusi tapşırıqları yerinə yetirə biləcək.

Ənənəvi döyüş başlıqları əvəzinə faydalı yük kimi siqnal pozucular, kameralı başlıqları və ya digər xüsusi avadanlıqları qəbul edəcək şəkildə dizayn edilən Paraşütlü TR-122 Raketində hədəf yaxınlığında müəyyən yüksəkliyə çatdıqda ön hissə mühərrik hissəsindən ayrılır.

Bu sayədə raketin daşıdığı yükün paraşüt sisteminin köməyi ilə aşağıya doğru süzülməsi təmin edilir. Siqnal pozucu faydalı başlıq versiyası əvvəlcədən müəyyən edilmiş müddət boyunca hədəf üzərindəki elektron avadanlıqları qarışdırmağa/kor etmyə və qlobal yerləşdirmə sistemi (GPS və s.) siqnallarını qarışdırmağa xidmət edir, kameralı faydalı yük versiyası isə hədəfin fotoşəkillərini/videolarını çəkir və eyni vaxtda onları buraxılış nöqtəsinə ötürür.

Klassik TR-122 raketlərinin atıldığı Yaylım Atəşli Reaktiv Sistemindən (YARS) atılan 70 kq çəkidəki Paraşütlü TR-122 Raketi sayəsində Türkiyə Silahlı Qüvvələri anında havadan radioelektron mübarizə və görüntü kəşfiyyatı imkanları qazanıb. Digər tərəfdən sabit və kvadrokopter tipli hava vasitələri Hava Hücumundan Müdafiə (HHM) sistemlərinin hədəfi ola bilərkən, HHM sistemlərinin Paraşütlü TR-122 Raketinə qarşı çox daha məhdud önləmə qabiliyyətinə malik olacağı qiymətləndirilir.

Çap et