TED.az xəbər verir ki, Təhsildə İnkişaf və İnnovasiyalar üzrə VIII qrant müsabiqəsində qalib gəlmiş bu layihənin bağlanışında Mingəçevir şəhər S.Vurğun adına 16 saylı tam orta məktəbin direktoru Quliyeva Aygün, məktəbin direktor müavini Nəbiyeva Əminə, müəllimlər və şagirdlər iştirak edib.

Layihə çərçivəsində "Gələcəyim düzgün peşə seçimindən çox asılıdır" adlı təşəbbüslə 9-11-ci sinif şagirdlərinə peşə təhsili və karyera planlaşdırması mövzularında geniş maarifləndirmə aparılıb. 15 müxtəlif peşə sahiblərinin iştirakı ilə təqdimatlar keçirilib, buraxılış sinifləri üçün karyera planlaması üzrə 10 təlim modulu təqdim edilib və peşə təhsil müəssisələrinə ekskursiyalar təşkil olunmuşdur. Bu fəaliyyətlər vasitəsilə şagirdlər əmək bazarının tələbləri, seçilən peşələrin özəllikləri və iş həyatına hazırlıq barədə dolğun məlumat əldə ediblər.

Xatırladırıq ki, "Gələcəyim düzgün peşə seçimindən çox asılıdır" adlı layihə, Quliyeva Aygün Məhərrəm tərəfindən həyata keçirilmişdir. 

Layihənin məqsədi, şagirdləri erkən yaşlardan peşə təhsilinə yönəltmək, onların karyera seçiminə dair biliklərini artırmaq və iş dünyası ilə məktəb arasındakı əlaqələri möhkəmləndirməkdən ibarət idi.