Burkina Faso Bill Qeytsin süni milçəklərini məhv etməyə hazırlaşır. Milçəklərin vəd edilən faydaları vermədiyi barədə danışılır.

Bill Qeytsin geni dəyişdirilmiş ağcaqanad layihəsi Burkina Fasoda dayanıb. Ölkə hökuməti malyariya ilə mübarizə çərçivəsində həyata keçirilən layihəni dayandırıb və təbiətə buraxılan bütün ağcaqanadların məhv edilməsi barədə göstəriş verib.

Bill Qeytsin süni milçəkləri məhv ediləcək
 

Burkina Faso Qərbin dəstəklədiyi layihələrə qarşı çıxdığı üçün Bill Qeyts tərəfindən maliyyələşdirilən Hədəf Malyariya proqramını dayandırıb. Prezident İbrahim Traore ölkədə geni dəyişdirilmiş bütün ağcaqanadların və laboratoriya nümunələrinin məhv edilməsini istədiyini açıqlayıb. Bundan sonra aşkar edilən bütün nümunələr müsadirə edilərək məhv ediləcək.

2019-cu ildə başlanan proqramın məqsədi geni dəyişdirilmiş ağcaqanadları təbiətə buraxmaqla əhali arasında malyariya yoluxmasını azaltmaq idi. İlkin olaraq Bana bölgəsində fəaliyyətə başlayan layihə zamanla digər bölgələrə də yayıldı. Ancaq bu həftə Traorenin qərarı layihəni qəfil sona çatdırdı.

Burkina Faso hökuməti layihənin malyariya ilə mübarizədə təsirli olmadığını bildirdi; əksinə, həyata keçirildiyi bölgələrdə malyariya hallarının artdığını müşahidə etmişdir. Hökumət bunu Qərb ölkələrinin Afrikadakı fəaliyyətinə şübhə ilə yanaşmasının sübutu kimi görür.

Traorenin 2022-ci ildə hakimiyyətə gəlişindən bəri Burkina Faso Qərb ölkələrinin, xüsusilə ABŞ və Fransanın təsirini məhdudlaşdırmağa yönəlmiş siyasət yürüdür. Bu yeni qərar bu siyasətin davamı kimi qiymətləndirilir.

Bill Qeytsin geni dəyişdirilmiş ağcaqanad layihələri də Qərb dünyasında mübahisələrə səbəb olur. Bəzi tənqidçilər bu layihələrin kütləvi peyvənd kimi başqa məqsədlər üçün istifadə oluna biləcəyinə şübhə ilə yanaşdılar. Bu, Burkina Faso ilə oxşar qərarların gələcəkdə digər Afrika ölkələrində də görülə biləcəyi ehtimalını artırır.