TED.az xəbər verir ki, Elm və Təhsil Nazirliyi tərəfindən elan edilmiş Təhsildə inkişaf və innovasiyalar üzrə VIII qrant müsabiqəsinin qalibi olmuş “PhET4Math: PhET platformasının tətbiqi ilə şagirdlərin riyaziyyat biliklərinin artırılması” layihəsi yekunlaşıb.

Layihənin həyata keçirilməsində əsas məqsəd PhET platormasında mövcud olan riyaziyyat fənninə dair interaktiv simulyasiya oyunları ilə Vlll sinif şagirdlərinin riyaziyyat biliklərinin artırılması, onların riyaziyyat fənnii həvəslə və maraqla öyrənməsinin təmin edilməsi, məktəbimizdə müəllimlər arasında bu təcrübənin bölüşülməsi olub.

Layihə çərçivəsində 4 ay müddətində 8-ci sinifdə təhsil alan 28 şagird üçün PhET platformasındakı simulyasiyalar 32 saatlıq dərs proqramı şəklinə salınaraq tədris edilib. Həmçinin bu təcrübənin layihə yekunlaşdıqdan sonra da davamlı olması üçün məktəb müəllimləri ilə təlimin proqramı bölüşülüb.

Xatırladaq ki, layihə Şəmkir rayon Seyfəli kənd M.Süleymanov adına tam orta məktəbin müəllimi  Rəna Heydərzadə tərəfindən həyata keçirilib.