Bu gün azərbaycanlı hakerlərdən ibarət "Anti-armenia Team" qrupu Ermənistanın baş naziri Nikol Paşinyanın rəsmi internet saytına qarşı kiberhücum həyata keçirib.

TED.az xəbər verir ki, hücum nəticəsində veb-saytın xəbərlər hissəsinə "Qarabağ Azərbaycandır və nida işarəsi!" başlıqlı xəbər yerləşdirilib, məzmununda isə Azərbaycan Prezidenti İlham Əliyevin Rusiyada reallaşan "Valday 2019" forumundakı çıxışının video-fraqmenti əlavə olunub.

Kiberhücum əməliyyatını "Ferid23" və "LozariuS" kod adlı hakerlər həyata keçiriblər.

"Anti-armenia Team" bundan sonra da virtual məkanda Azərbaycanın milli maraqlarının, milli mənafeyinin qorunması istiqamətində fəaliyyətinə davam edəcək", - deyə qrupun Feysbuk səhifəsində qeyd edilib.

Ceyhun ABASOV