Milli Nüvə Tədqiqatları Mərkəzi QSC-nin sədri Adil Qəribov “ATOMEKO 2019” beynəlxalq ictimai forumunda çıxış edib.

TED.az xəbər verir ki, Rusiya Federasiyasının "Rosatom" Dövlət Korporasiyası və Macarıstan Respublikasının Energetika Nazirliyinin təşkilatçılığı ilə Macarıstanın Peç şəhərində atom energetikasının inkişafında təhlükəsizlik məsələlərinin müzakirəsinə həsr edilən, 15 ölkənin 300-dən çox nüvə sənayesi mütəxəssislərinin, dövlət qurumlarının, ətraf mühit üzrə mütəxəssislərin, ekspertlərin və ictimaiyyət nümayəndələrinin iştirak etdiyi "ATOMEKO 2019" beynəlxalq ictimai forumu və sərgisi keçirilib.

"Milli Nüvə Tədqiqatları Mərkəzi" QSC-nin sədri Adil Qəribov forumda "Atom energetikasının gələcəyi və perspektivləri" mövzusunda, atom-hidrogen energetikasının hazırda və gələcəkdə istifadə mümkünlüyünun aktualığı barəsində məruzə ilə çıxış edib.

A.Qəribov çıxışında artan enerji istehlakını və qlobal iqlim dəyişikliyi faktlarını nəzərə alaraq, dünyanın gələcək dayanıqlı inkişaf üçün təmiz enerjiyə ehtiyacının artmasını vurğulayıb. Onun sözlərinə görə, bu ehtiyacın ödənilməsində nüvə energetikası, xüsusən atom-hidrogen energetikasının perspektivləri aşkar görünür. Sədr qeyd edib ki, nüvə energetikasının durmadan inkişafı müasir innovativ texnologiyaların tətbiqi ilə hidrogenin təhlükəsiz saxlanılması və istifadəsi istiqamətində aparılan elmi tədqiqat işləri və texnoloji həllər bu sahənin işıqlı gələcəyindən xəbər verir.