AZ

1 milyarddan artıq sosial şəbəkə istifadəçisinin məlumatlarına açıq giriş olub

62215043a71f6cb9fcb71ffc76709162.jpg
26.11.2019 10:04

Aşkar olunan verilənlər bazasında Feysbuk, Tvitter, LinkedIn və Github istifadəçilərinin şəxsi məlumatları ilə birlikdə 1,2 milyard uçot qeydi var

 

Təhlükəsizlik sahəsi üzrə amerikalı tədqiqatçı Vinni Troya 4 TB-dan artıq məlumatı ehtiva edən əlçatan verilənlər bazası aşkar edib.

 

TED.az-ın Xüsusi Dövlət Mühafizə Xidmətinin Xüsusi Rabitə və İnformasiya Təhlükəsizliyi Dövlət Agentliyinin Kompüter İnsidentlərinə qarşı Mübarizə Mərkəzindən əldə etdiyi məlumata görə, verilənlər bazasına Feysbuk, Tvitter, LinkedIn və Github kimi sosial şəbəkələrin yüz milyonlarla istifadəçi hesablarından məlumatları, o cümlədən 50 milyon telefon nömrəsi, 622 milyon unikal elektron poçt ünvanı və əmək tarixçəsi qeydlərini ehtiva edən, ümumilikdə, 1,2 milyard uçot qeydi daxildir. Bazada ödəniş kartlarının parol və nömrələri və ya sosial sığorta nömrələri aşkar olunmayıb.

 

Məlumata əsasən, verilənlər bazası “Google Cloud Services”də yerləşir və istəyən hər kəs ona çıxış əldə edə bilər.

 

Hazırda servisə şəxsi məqsədlərlə çıxışın əldə olunub-olunmadığı məlum deyil. V.Troya aşkar etdiyi məlumat barədə FTB-ni məlumatlandırıb və bir neçə saat sonra server deaktiv edilib.

 

FTB vəziyyəti şərh etməkdən imtina edib.

 

Baza dörd verilənlər dəstindən ibarətdir. Onlardan üçünün adı “People Data Labs” (PDL) amerikalı verilənlər brokerinə işarə edir. Lakin şirkətin həmtəsisçisi Şon Torn öz bəyanatında aşkar olunan serverin PDL-ə məxsus olmadığını qeyd edib. Bu qədər geniş verilənlər bazasının sahibi və məlumatlara açıq girişin necə əldə olunduğu məlum deyil.

Dünya bölməsindən digər xəbərlər

Daha çox