“İnnoland İnkubasiya və Akselerasiya Mərkəzi” və “Bank Respublika”nın birgə İnkubasiya proqramı çərçivəsində “Fintech Meetup” keçirilib.

TED.az xəbər verir ki, meetup “SUP Akselerator”unun ənənəvi #SUPTalks tədbiri daxilində olub. Görüşdə Şefket Sayalıoğlu müasir travel maliyyə texnologiyaları və innovativ maliyyə sektorunun inkişaf tendensiyasından danışıb.

Qeyd edək ki, Şefket Sayalıoğlu Travel-Fintech sahəsində olan “SwayPay” şirkətinin həmtəsisçisi və eyni zamanda baş direktorudur. “SwayPay” şirkəti 2017-ci ildə qurulub. Şirkətin əsas məqsədi otellərə daha çox gəlir qazandıraraq sürətli, təhlükəsiz sifariş rəsmiləşdirilmələri və ödənişləri həyata keçirməkdir.

Tədbir zamanı, həmçinin birgə inkubasiya proqramının detalları və son yenilikləri müzakirə olunub.