Bu SpaceX üçün yeni nailiyyətdir

Dünən planlaşdırıldığı kimi SpaceX şirkəti Starlink peyklərinin növbəti partiyasını orbitə çıxarıb. Xatırladaq ki, ilk 60 peyk may ayında orbitə buraxılıb.

TED.az xarici mətbuata istinadən xəbər verir ki, bu dəfə SpaceX eyni sayda cihazları işə salıb, lakin əgər yaz buraxılışı test buraxılışı idisə, dünən buraxılmış peyklər artıq kommersiya layihəsinin bir hissəsi olub.

Amma dünənki başlanğıc başqa bir səbəbdən də əhəmiyyətli idi. Məsələ burasındadır ki, peyklər o vaxta qədər üç dəfə kosmosa uçuş etmiş Falcon 9 raketi vasitəsilə orbitə çıxarılmışdı. Bu, təyinatına görə dörd dəfə istifadə edilən ilk Falcon 9 raketidir. Raket üzən platformaya uğurla enib, belə ki, bundan sonra da istifadə edilə bilər.

Lakin bu da hamısı deyil. Dünənki buraxılış zamanı SpaceX ilk dəfə artıq kosmosda olmuş qoruyucu başlıqdan istifadə edib. İlkin hesablamalara görə, dövriyyədən təkrar istifadə təxminən 6 milyon dollara qənaət etməyə imkan verir.