"Samsung Galaxy M31" smartfonunun təqdimat tarixi bəlli olub. 

TED.az xarici mətbuata istinadən xəbər verir ki, "Samsung"un rəsmi saytının yaydığı məlumata görə, telefon fevralın 25-də təqdim ediləcək. 

Məlumatda "Galaxy M31"in bəzi xüsusiyyətləri də yer alıb.

Nisbətən az və orta gəlirli alıcılar üçün nəzərdə tutulan modelin ilk diqqətçəkən özəlliyi ekranıdır. Telefon FHD+ sAMOLED ekrana sahibdir.

Cihazda dörd kamera mövcuddur. Əsas kameranın ölçüsü 64 Mp-dir. Smartfon 4GB operativ, 64GB əsas yaddaşa malikdir.

6000 mAs gücdə batareyaya sahib telefonun prosessoru haqqında rəsmi məlumat yoxdur. Ancaq "Geekbench" testində ortaya çıxan hesabatda cihaza Exynos 9611 prosessoru quraşdırıldığı qeyd olunub.

Bundan başqa, telefonun satışa çıxarıldığı ölkədən asılı olaraq prosessor Snapdragon 665 ilə də əvəzlənə bilər. 

Smartfonun qiyməti, eləcə də Azərbaycan bazarına çıxarılacağı vaxt ilə bağlı məlumat yoxdur.