Azərbaycan Milli Elmlər Akademiyasının (AMEA) Coğrafiya İnstitutunun direktoru Ramiz Məmmədov və müəssisənin şöbə müdiri Mirnuh İsmayılov tərəfindən təbii-texnogen təhlükələr əsasında Azərbaycanın rəqəmsal ekoloji risklər xəritəsi hazırlanıb. 

AMEA-dan TED.az-a verilən məlumata görə, bu, Azərbaycanın ilk dəfə çoxparametrli məlumatlar əsasında tərtib edilmiş irimiqyaslı rəqəmsal ekoloji risklər xəritəsidir.

Ölkə ərazisində sel, sürüşmə, daşqın, demoqrafik və texnogen yüklənmə, səth və yeraltı suların çirklənməsi, Xəzər dənizinin səviyyə tərəddüdü, şoranlaşma, bataqlaşma, iqlimdəki risklər,  səhralaşma  və zəlzələ kimi ekoloji risk yaradan mənbələr müəyyən edilib. 

Xəritənin təhlilindən məlum olur ki, respublika ərazisinin 37,2%-i çox zəif, 19,8%-i zəif, 23,9%-i orta, 12,4%-i yüksək, 6,8%-i isə çox yüksək ekoloji riskli ərazilərdir.

Qeyd edək ki, sözügedən xəritə infrastruktur layihələrin həyata keçirilməsində, tikintidə, seliteb-şəhər planlaşdırılmasında və sığorta işlərində mühüm mənbə rolunu oynaya bilər.

Azərbaycan Milli Elmlər Akademiyasının (AMEA) Coğrafiya İnstitutunun direktoru Ramiz Məmmədov və müəssisənin şöbə müdiri Mirnuh İsmayılov tərəfindən təbii-texnogen təhlükələr əsasında Azərbaycanın rəqəmsal ekoloji risklər xəritəsi hazırlanıb. 

AMEA-dan TED.az-a verilən məlumata görə, bu, Azərbaycanın ilk dəfə çoxparametrli məlumatlar əsasında tərtib edilmiş iri miqyaslı rəqəmsal ekoloji risklər xəritəsidir.

Ölkə ərazisində sel, sürüşmə, daşqın, demoqrafik və texnogen yüklənmə, səth və yeraltı suların çirklənməsi, Xəzər dənizinin səviyyə tərəddüdü, şoranlaşma, bataqlaşma, iqlimdəki risklər,  səhralaşma  və zəlzələ kimi ekoloji risk yaradan mənbələr müəyyən edilib. 

Xəritənin təhlilindən məlum olur ki, respublika ərazisinin 37,2%-i çox zəif, 19,8%-i zəif, 23,9%-i orta, 12,4%-i yüksək, 6,8%-i isə çox yüksək ekoloji riskli ərazilərdir.

Qeyd edək ki, sözügedən xəritə infrastruktur layihələrin həyata keçirilməsində, tikintidə, seliteb-şəhər planlaşdırılmasında və sığorta işlərində mühüm mənbə rolunu oynaya bilər.