“9-cu sinif şagirdləri üçün ayın 1-də keçirilən buraxlış imtahanın nəticələri onlayn şəkildə yoxlanılıb. Dövlət İmtahan Mərkəzinin ekspertləri heç bir qaydanı pozmadan ev şəraitində abituriyentlərin işlərini yoxlayıblar”.

TED.az xəbər verir ki, bunu Dövlət İmtahan Mərkəzinin (DİM) Direktorlar Şurasının sədri Məleykə Abbaszadə onlayn mətbuat konfransı zamanı deyib. 

“Apelyasiyaya müraciət etmək istəyənlər bu prosesdən onlayn şəkildə keçə biləcəklər. DİM ekspertləri onlarla sosial şəbəkələr, o cümlədən Feysbuk, WhatsApp, Zoom tətbiqi vasitəsilə müzakirə aparacaqlar. Bunun üçün ayrı gün təyin olunacaq və həmin şəxslə əlaqə saxlanılacaq”, — deyə M.Abbaszadə əlavə edib.