Azercell Telekom-un abunəçi sayı artıq 5 milyonu keçdi. Azercell şirkətinin 5 milyonuncu abunəçisi Sabirabad rayon sakini Elvin Mirzəyev oldu. 

Bu barədə TED.az-a şirkətdən məlumat verilib. 

Məlumata görə, şirkət 5 milyonuncu üzvünü xüsusi hədiyyələrlə qarşılayıb. 

Azərbaycanda “Apple” şirkətinin yeganə rəsmi telekom tərəfdaşı olan Azercell yeni müştərisinə müasir dizayna, güclü prosessor və kameraya malik yeni “iPhone SE” smartfonu və “Sərbəst75” tarifinə 1 illik pulsuz abunəlik hədiyyə edib.