Microsoft MSN portalında işləyən jurnalistləri robotlarla əvəz etmək niyyətindədir.

TED.az "İnterfaks"a istinadən xəbər verir ki, avtomat sistemlər saytda görüntüləmək üçün xəbər mesajlarını seçəcəklər. Hazırda isə xəbər başlıqları və mövzular jurnalistlər tərəfindən toplanır.

Microsoft-dan iddia edilir ki, bu jurnalistləri süni intellektlə əvəz etmək, iş görmək üçün yenidən qiymətləndirmədir: "Bir çox şirkət kimi, biz də işimizi müntəzəm olaraq yenidən qiymətləndiririk. Bu, bir sahəyə qoyulan sərmayənin artmasına və digərində yenidən qurulmasına səbəb ola bilər. Son qərarlarımız koronavirus pandemiyası ilə əlaqəli deyil".

Bu addımın nəticəsində iyun ayının sonuna qədər təxminən 50 nəfərin iş yerini itirəcəyi deyilir. Ancaq müəyyən sayda jurnalist işinə davam edəcək.

Bəzi işdən çıxarılan işçilər süni intellektin redaksiya siyasəti ilə tanış ola bilməyəcəyini və saytın uyğun olmayan məzmun ehtiva edəcəyini söyləyirlər.

İşlərini itirən işçilərdən biri robotların insan işlərini necə yerinə yetirdiyini öyrəndiyini və indi süni intellektin onu işindən məhrum etdiyini bildirib.