“Sosial şəbəkələrdə yayılan bir çox şayiə vətəndaşlarımızda inamsızlıq hissini yaradır. Onlardan biri hər-hansı xəstəlikdən vəfat etmiş şəxsə “COVİD-19” diaqnozunun qoyulması ilə bağlıdır. Guya təcili tibbi yardım işçiləri hansısa xəstəlikdən vəfat etmiş şəxslərin ölüm səbəblərinin “COVİD-19” kimi qeyd olunması ilə bağlı arayış verməyi təklif edirlər”

TED.az xəbər verir ki, bunu Nazirlər Kabineti yanında Operativ Qərargahın mətbuat konfransı zamanı TƏBİB-in sədri Ramin Bayramlı deyib. 

“Bu məsələlər müəyyən qurumlar və bizim tərəfimizdən araşdırılıb. Bunlar tamamilə şayiə xarakterini daşıyır. Biz ilk gündən şəffaf şəkildə çalışırıq. Bu cür diaqnozun kiməsə qoyulması asan məsələ deyil”, — deyə, TƏBİB sədri qeyd edib. 

Fatimə ZÜLFİQAR