Bitkoinin dəyəri tezliklə zirvəyə dönəcək — PROQNOZ
“Bloomberg” mütəxəssisləri planetin ən böyük kriptovalyutasının dəyərinin tezliklə zirvəsinə dönəcəyini iddia edirlər. Ekspertlərin fikrincə, bu tendensiyaya yalnız qeyri-adi vəziyyət mane ola bilər.
TED.az “Bloomberg”çilərin sözlərinə görə, xəbər verir ki, 2020-ci ildə Bitkoinin qiyməti 20 000 dollar səviyyəsinə çata bilər.
Paylaşılan məqalə-hesabatın müəllifləri proqnozlarını Bitkoin dəyərindəki dəyişikliklərin əvvəlki təcrübəsinə dayanaraq qurublar.
Hesabatda bildirilir ki, 2014-cü ildə Bitkoin kriptovalyutasının qiyməti 60% düşüb, lakin iki ildən sonra 2013-cü ildə qazandığı maksimum səviyyəyə qayıdıb.
Bu səbəbdən “Bloomberg” ekspertləri hesab edirlər ki, 2020-ci ildə Bitkoinin qiyməti 20 000 ABŞ dolları səviyyəsinə çata bilər.
Qeyd olunur ki, koronavirus pandemiyası kriptovalyutanın güclənməsinə müsbət təsir göstərib.