"Hal-hazırda texniki işlərin görülməsi və normativ bazanın hazırlanması ilə bağlı işlər görülür.

5 iyul tarixindən etibarən vətəndaşlara tövsiyə edirik ki, əgər icazə alırsa şəxsi nəqliyyat vasitəsi varsa onun da seriya nömrəsini eyni sms-də qeyd etsin.

Biz bununla bağlı təlimatlandırıcı video rolik də hazırlayacağıq".

TED.az xəbər verir ki, Vətəndaşlara Xidmət və Sosial İnnovasiyalar üzrə Dövlət Agentliyinin sədri Ülvi Mehdiyev Nazirlər Kabineti yanında Operativ Qərargahın bu gün keçirilən brifinqində deyib.

O həmçinin bildirib ki, nəqliyyat vasitəsi ilə şəxslərin müəyyənləşdirilməsi və inzibati məsuliyyətə cəlb edilməsi üçün normativ hüquqi bazalar formalaşdırılır. Əgər qanunvericilklə səlahiyyət verilsə, sistem texniki cəhətdən imkan verəcək ki, bu vasitə ilə vətəndaşlar nəqliyyat vasitəsinə də icazə ala bilsinlər.

Günel QURBANOVA