AZ

Vikipediyada bu həftə - Seçilmiş məqalə, siyahı...

 

45
06.07.2020 13:00

Bu gün azərbaycanca Vikipediyada həftənin seçilmiş məqaləsi, həftənin yaxşı məqaləsi və həftənin seçilmiş siyahısı yayımlanıb. 


TED.az xəbər verir ki, həftənin seçilmiş məqaləsi "Hörümçək-adam" olub.

 

 

Hörümçək-adam Marvel Comics tərəfindən nəşr edilən ABŞ komikslərindəki uydurma superqəhrəmandır. Personaj yazıçı-redaktor Sten Li və yazıçı-rəssam Stiv Ditko tərəfindən yaradılıb. İlk dəfə komikslərin Gümüş dövründə "Amazing Fantasy" komiksinin 15-ci sayında (avqust 1962) peyda olub. 

 

 

Həftənin yaxşı məqaləsi adına isə "Uran əməliyyatı" layiq görülüb. Uran əməliyyatı İkinci Dünya müharibəsi ərzində 19-23 noyabr tarixləri aralığında Sovet qoşunlarının 6-cı alman ordusu və 4-cü tank ordusu, həmçinin 3-cü və 4-cü rumın ordularına qarşı hücuma keçdiyi strateji əhəmiyyətli əməliyyatdır. Əməliyyat beş ay davam edən Stalinqrad döyüşünün ortalarından etibarən, başlayıb və məqsədi Stalinqradın içərisində, eləcə də ətrafında yerləşən alman qoşunlarını məhv etmək olub.

 

 

Həftənin seçilmiş siyahısına gəlincə, burada Ağqoyunlu hökmdarlarının siyahısı yer alıb. Ağqoyunlular oğuzların bayandur boyuna mənsub olublar. Ağqoyunlu hökmdarlarının idarəsi altında imperiya ən qüvvətli dövrlərində şimalda Rusiya, cənubda Küveytə və şərqdə Pakistan və Əfqanıstandan, qərbdə Türkiyə və Suriyaya qədər uzanıb. Ağqoyunlu tayfa ittifaqının əsasını Pəhləvan bəy qoyub. 


 

 

Zeynəb ƏKBƏR

 

e-Azərbaycan bölməsindən digər xəbərlər

Daha çox