ABŞ-ın sanksiyasına məruz qalan Huawei-in "ağıllı" telefon bazarında 2020-ci ilin ikinci rübündə də ən böyük rəqibi olan Samsung-u geridə qoyacağı gözlənilir. 

TED.az Türkiyə mətbuatına istinadən xəbər verir ki, aradakı fərqin cüzi olmasına baxmayaraq, liderliyi əldən verməyən şirkət son analizlərə görə (hələlik tam dəqiqləşməyib), ikinci rübdə Samsung-dan öndə, birinci olacaq. 

Samsung-un "ağıllı" telefon təminatı sahəsində 30 faiz gerilədiyi gələn məlumatlar arasındadır. Huawei-in də bu zaman ərzində çətinliklə üzləşəcəyi, ancaq liderliyi əldən verməyəcəyi deyilir. 

Bu da yeni telefonlarında Android olmayan firma üçün böyük uğurdur. 

Xatırladaq ki, ilin ilk rübündə ümimilikdə ikinci sırada yer alan Huawei ikinci rübün ikinci ayında da əzəli rəqibini geridə qoymağı bacarmışdı.