ABŞ prezidenti Donald Tramp etiraf edib ki, 2018-ci ildə keçirilən seçkilər ərəfəsində "rus trolları"na kiberhücum barədə əmr verib.

TED.az xəbər verir ki, o, bunu The Washington Post qəzetinə verdiyi müsahibədə vurğulayıb.

Donald Tramp qeyd edib ki, sələfi Barak Obamadan daha qətiyyətli hərəkət edib.

Xatırladaq ki, 2016-cı ilin oktyabr ayında Obama administrasiyası Rusiyanı Demokrat Partiyanın kompüterlərini ələ keçirməkdə günahlandırıb. Elə həmin ilin dekabr ayında da Obama prezident seçkilərinə müdaxilə etdiyi üçün Rusiyaya qarşı sanksiyalar tətbiq etməyə başlayıb.

Tramp isə 2018-ci il hadisələrini ABŞ kəşfiyyat rəsmilərinin Rusiyanın bu il keçiriləcək prezident seçkilərini haker hücumu nəticəsində pozmağa çalışacağı barədə xəbərdarlığından sonra dilə gətirib.