İyulun 13-də Azərbaycan Prezidenti İlham Əliyevin sədrliyi ilə Təhlükəsizlik Şurasının onlayn iclası keçirilib.

TED.az xəbər verir ki, bu barədə Prezidentin rəsmi saytı məlumat yayıb. 

Məlumatda qeyd olunub ki, dövlət başçısı iclasda çıxış edib.

İlham Əliyev düşmənin dünən Azərbaycan-Ermənistan dövlət sərhədinin Tovuz istiqamətində növbəti hərbi təxribatından söz açıb.

Bildirib ki, dünən və bu gecə düşmənə adekvat cavab verilib: "Hərbçilərimizin qisası alınıb, bundan sonra da alınacaqdır. Hərbçilərimizin, şəhidlərimizin qanı yerdə qalmayıb və qalmayacaq. Biz bütün imkanlardan istifadə edib özümüzü qoruyacağıq və düşmənə yenidən onun öz yerini göstərəcəyik".

Sonra Təhlükəsizlik Şurasının iclası qapalı rejimdə davam edib.