“Volkswagen” (VW) və “Ford” şirkətləri özünüidarəetmə avtomobillərinin inkişafına yönəlmiş tərəfdaşlıq sazişinin bağlanmasına yaxındırlar. Bu barədə alman avtokonserninin rəhbəri bildirib.

TED.az xarici mətbuata istinadən xəbər verir ki, “VW” və ikinci böyük amerika avtomobil istehsalçısı arasında müvafiq danışıqlar artıq bir neçə aydır davam edir.

“VW”nin baş direktoru Herbert Diessin (Herbert Diess) sözlərinə görə, danışıqlar "yaxşı gedir və demək olar ki, başa çatıb".

“VW” və “Ford” alyansı, böyük avtomobil istehsalçıları və texnoloji nəhənglərin investisiya və mühəndislik istedadları üçün rəqabət apardığı bir şəraitdə yaranır.