WhatsApp-a kompüter vasitəsilə daxil olanlar da artıq axtarış edə biləcəklər.

TED.az xəbər verir ki, WhatsApp veb vasitəsilə axtarış şübhəli fayl aşkarlandıqda onun doğruluğunu müəyyənləşdirmək məqsədilə istifadə ediləcək. Başqa sözlə desək, bu, WhatsApp-ın mobil versiyasındakı səsli axtarışla eyni mahiyyət daşımayacaq. 

Artıq WhatsApp veb şübhəli mesajların yanına axtarış ikonu qoyacaq. İkonun üzərinə vurduqda məlumatı axtarış apararaq dəqiqləşdirmək mümkün olacaq. 

Yenilikdən istifadə etmək üçün tətbiqin son versiyasını yükləmək kifayətdir.