AZ

Azərbaycanda Data Təhlükəsizliyi istiqamətində qanunvericilik yaradılmalıdır — Mütəxəssis

116876523_1163969030629615_6700193094811927946_n
04.08.2020 14:44

"Ölkədə Data resurslarından effektiv istifadənin ölkə iqtisadiyyatı, biznesləri, o cümlədən səhiyyə, ordu və təhsilin idarə edilməsi istiqamətində hədsiz imkanları var. Lakin bu imkanlardan istifadə etmək üçün ən böyük mane Data Təhlükəsizliyi istiqamətində qanunvericiliyin hələ mövcud olmamasıdır".

 

Bunu TED.az-a açıqlamasında DATA Science Academy-nin təsisçisi Etibar Hüseynli bildirib.

 

Ekspert Data qanunvericiliyinin faydalarından danışıb: "GDPR prinsiplərinə əsaslanan yeni data ilə bağlı qanunvericiliyin yaradılması ölkədəki bütün dövlət qurumlarına o cümlədən bütün bizneslərə hədsiz faydalar və qazanclar gətirəcək, bəlkə də on milyardlarla manat dəyərində ziyanın qarşısının alınmasına və on milyardarla manat dəyərində yeni gəlir mənbələrinin formalaşmasına səbəb olacaq. Həmçinin bu proses ölkənin bütün özəl və dövlət qurumlarında idarəetmənin effektivliyini artıracaq".

 

"Avropa ölkələri və Amerika artıq bu qanunvericiliyi qəbul edib. Bu yaxınlarda Ermənistan parlamenti də bu istiqamətdə qərar qəbul etdi. Azərbaycanda "Data Təhlükəsizliyi" istiqamətində qanun qəbul edilməsi üçün hansı addımlar atılmalıdır? Bunun təşəbbüskarı kim olmalıdır?

 

Prosesi sürətləndirmək üçün öhdəmizə nə düşür? Məncə, tezliklə bu istiqamətdə fəaliyyətə başlanılmalıdır", — deyə mütəxəssis vurğulayıb.

 

Fatimə ZÜLFİQAR

 

e-Azərbaycan bölməsindən digər xəbərlər

Daha çox