Prezident İlham Əliyev 13 rayonda daha 26 modul tipli məktəbin quraşdırılması ilə bağlı sərəncam imzalayıb. 

TED.az xəbər verir ki, sərəncama əsasən, Təhsil Nazirliyinə bunun üçün 7 milyon manat vəsait ayrılıb.

Modul tipli məktəblərin quraşdırılması ilə bölgələrdə, xüsusilə, ucqar kəndlərdə qəzalı və istismar müddəti başa çatmış məktəb problemi tamamilə həll olunacaq.

Qeyd edək ki, 2016-2019-cu illərdə ölkəmizin 45 bölgəsində ümumilikdə 293 modul tipli məktəb quraşdırılıb. 2020-ci ilin sonuna kimi daha 60 modul tipli məktəb istifadəyə veriləcək.