Belarusda prezident seçkilərindən sonra ikinci gündür ki, internet problemi davam edir.

TED.az xəbər verir ki, bu barədə Sputnik Belarus məlumat yayıb.

Məlumata əsasən, mobil internetlə bağlı fasilələr bazar günü Minskdə səhər saat 8-də A1, MTS və Life şirkətlərinin müştərilərində başlanıb.

Bazar günü mobil internet qeyri-sabit işləyib, axşam isə sönüb. Wi-Fi cihazları fəaliyyətə davam edir, lakin onların vasitəsilə yalnız messengerlər işləyir, poçt xidmətlərinə və saytlara giriş media fayllarının göndərilməsi kimi blok altındadır.

Həmin problemə görə, onlayn taksi kimi bir sıra xidmətlərin işi də çətinləşib.