Əvvəllər inkişaf etməkdə olan ölkələr həmişə mobil şəbəkələrin tətbiqində geri qalırdı. Bu prosesin 5G mobil rabitə şəbəkəsinin tətbiqində də təkrarlanacağını düşünmək məntiqli olardı. Lakin ABI Research konsaltinq şirkətinin mütəxəssisləri fərqli düşünür. 

TED.az ABI Research analitiklərinə istinadən xəbər verir ki, inkişaf etməkdə olan ölkələrdə 5G-yə keçid gözləniləndən daha sürətli baş verəcək. 

"İnkişaf etməkdə olan ölkələrin bazarlarda 5G tətbiq sürəti tənzimləyici çərçivələr, kənar hesablama, OpenRAN (ORAN) kimi səmərəli texnologiyalar və 5G-nin təqdim etdiyi daha geniş istifadə hallarının birləşməsi ilə sürətlənəcək", - deyə məlumatda deyilir.

İnkişaf etməkdə olan ölkələrdə 5G-nin inkişafına əngəl yaradan amillər əsasən bu sahənin kapitallaşma sistemi və sözügedən telekom bazar sektorunun pisləşən maliyyə problemlərindən qaynaqlanır.

Qeyd olunan amillər Vyetnam və ya Tayland kimi böyük bir kənd əhalisinə sahib olan ölkələr üçün əlavə maddi-texniki və maliyyə faktorları tələb edir. 

ABI Research-də bunlar arasında inkişaf etməkdə olan ölkələrdə məlumat istehlakında eksponent böyüməyə təkan verən və əlaqədar infrastruktura olan tələbatı artıran, dəyişən istehlakçı demoqrafiyası, artan smartfon istifadəsi və əlverişli 5G cihazları yer alır.