Yanvar-avqust aylarında Azərbaycana 399 milyon 498 min ABŞ dolları dəyərində 33 min 178 avtomobil idxal edilib.

Bu barədə TED.az-a Dövlət Gömrük Komitəsindən bildirilib. 

Qeyd olunub ki, ölkəyə gətirilən avtomobillərin 108-i sürücü daxil olmaqla 10 nəfər və ya daha çox adam daşımaq üçün nəzərdə tutulmuş motorlu nəqliyyat vasitəsi, 31 min 26-sı əsasən adamların daşınması üçün nəzərdə tutulmuş minik avtomobili və digər motorlu nəqliyyat vasitəsi, 1960-ı yük daşımaq üçün motorlu nəqliyyat vasitəsi, 84-ü isə xüsusi təyinatlı motorlu nəqliyyat vasitəsidir.