AZ

TikTok fırıldaqçılığı aşkarlandı – Azyaşlılar vasitəsilə…

 

41348bef9abfa7d64bfa45ec5d8ad698.jpg
23.09.2020 15:06

Dələduzlar uşaqlar arasında populyar olan sosial şəbəkədə reklamdan pul qazanmağı öyrəniblər. 

 

TikTok sosial şəbəkəsi digər şəbəkələr kimi, müəyyən parametrlərlə istənilən istifadəçi üçün seçilmiş və inteqrasiya olunmuş reklamlara malikdir. Problem isə fırıldaqçıların uşaqlara aid hədəf reklamlar qurmasıdır. Dostlarını əyləndirmək üçün uşaqlara tətbiqlərlə baner reklamlarını göstərirlər. Məsələn, telefonun divar kağızına toxunduqda cihaz titrəyir və ya təsadüfi səslər işə düşür.  

 

TED.az xəbər verir ki, Avast şirkətinin hesablamalarına görə, bu cür tətbiqlər artıq 500 min dollardan çox qazanıb.

 

Həm Android, həm də iOS üçün oxşar proqramlar var. Fırıldaqçılar müxtəlif yollarla pul qazanırlar. Onlar bütün pəncərələrin üstündə reklamlar göstərə və ya abunə olma təklifini verə bilirlər. Bununla da hər həftə uşağın hesabından və ya valideyn kartından 8-10 dollar alına bilər.

 

Bu cür saxta sxemlərlə mübarizə aparmaq üçün mütəxəssislər ilk növbədə uşağa internetdə təhlükəsizlik qaydalarını izah etməyi təklif edirlər. Əlavə olaraq, App Store və Google Play-də uşaq cihazlarında tətbiqlərin satın alınmasına və quraşdırılmasına nəzarət etməyə imkan verən ailə hesablarından istifadə etmək mümkündür. Ayrıca, tətbiqi yükləmədən əvvəl onun hansı funksiyalara daxil olmaq istədiyini yoxlanılması məsləhət görülür.

Texnologiya bölməsindən digər xəbərlər

Daha çox