Teslanın yeni istehsal etdiyi Model S Plaid-in qiymət və xüsusiyyətləri açıqlandı

23.09.2020 17:28

Elon Musk dünən keçirilən Tesla Battery Day tədbirində Model S seriyasının ən performanslı versiyası olan Model S Plaid-i təqdim edib.

TED.az xəbər verir ki, model 1100 at gücünə sahibdir.

Şirkət rəsmilərinin açıqlamalarına görə, yeni elektromobil bir dəfə enerji yığmaqla 830 kilometrdən çox məsafə qət edə bilir. Şirkət rəhbəri Elon Musk daha əvvəllər modelin 2020-ci ildə satışa çıxarılacağını söyləsə də, sonradan proses 2021-ci ilin sonlarına keçirildi.

Yeni modelin əsas xüsusiyyətləri isə aşağıdakılardır:

- Bu günə qədər istehsal edilmiş 0-dan 100 km/s ən tez çatan avtomobil;

- 0-100 km/s sürətlənmə müddəti 2 saniyədən aşağıdır;

- 400 metrə çatma müddəti 9 saniyədən aşağıdır;

- 1.100 at gücündədir;

- Tam ötürücü təklif edən üçqat mühərrik.

Qeyd edək ki, artıq Teslanın rəsmi veb-saytında Model S-in versiyaları arasına Plaid də əlavə edilib. 3 elektrik motorlu və tam ötürücülük keyfiyyətinə malik modelin ilkin satış qiymətinin 139.990 dollar olduğu açıqlanıb.

Çap et